வரும் நவம்பர் 20 ஆம் தேதி முதல் 28 ஆம் தேதி கோவாவில் 50-வது சர்வதேச திரைப்பட விழா நடைபெறுகிறது.
இந்த திரைப்பட விழாவில், நடிகர் ரஜினிகாந்த்திற்கு சிறப்பு நட்சத்திர விருது ( Icon of Golden Jubliee) வழங்கப்படும் என்று மத்திய தகவல் ஒலிபரப்புத் துறை அமைச்சர் பிரகாஷ் ஜவடேகர் அறிவித்தார்.
இந்த நிலையில், விருது வழங்குவதாக அறிவித்துள்ள மத்திய அரசுக்கு நடிகர் ரஜினிகாந்த் நன்றி தெரிவித்துள்ளார். ரஜினிகாந்த் தனது டுவிட்டரில் நன்றி தெரிவித்து பதிவிட்டுள்ளார்.
