யேமனில் இராணுவ அணிவகுப்பு மீது தாக்குதல்.

யேமனின் தெற்கு மாகாணத்தில் இராணுவ அணிவகுப்பின் போது மேற்கொள்ளப்பட்ட ஏவுகணைத் தாக்குதலில் 9 வீரர்கள் உயிரிழந்ததாக முதற்கட்டத் தகவல் வெளியாகியுள்ளது.

அல்-தலேயா மாகாணத்தில் உள்ள இராணுவ முகாமில் பயிற்சி முடிந்து வெளியேறும் இராணுவ வீரர்களின் அணிவகுப்பு இன்று (ஞாயிற்றுக்கிழமை)

நடைபெற்ற நிலையிலேயே குறித்த அணிவகுப்பின் மீது தாக்குதல் நடத்தப்பட்டது.

இந்த தாக்குதலை ஹவுத்தி போராளிகள் மேற்கொண்டதாக அந்நாட்டு செய்திகள் தெரிவிக்கின்றன.

ஈரான் அரசின் ஆதரவுடன் யேமன் நாட்டில் அரசுக்கு எதிராக ஹவுத்தி இன மக்கள் ஆயுதம் தாங்கிய போராட்டத்தில் ஈடுபட்டு வருகின்றனர்.