இத்தாலிக்கு பறந்த 15 ரஷ்ய விமானங்கள்

0
84

ரஷ்ய விண்வெளிப் படைகளின் பதினைந்தாவது விமானம் மாஸ்கோ பிராந்திய விமான நிலையத்திலிருந்து புறப்பட்டு, கொரோனா வைரஸின் (#COVID-19) தீவிரத்தை எதிர்த்து போராட இத்தாலிக்கு புறப்பட்டதாக ரஷ்ய பாதுகாப்பு அமைச்சகம் வெளியிட்டுள்ள அறிக்கையில் தெரிவிக்கப்பட்டுள்ளது.


“ரஷ்ய விண்வெளிப் படைகளின் பதினைந்தாவது ஐல் -76 இராணுவப் போக்குவரத்து விமானம் சக்கலோவ்ஸ்கி விமானநிலையத்திலிருந்து (மாஸ்கோ பகுதி) புறப்பட்டு, கொரோனா வைரஸை எதிர்த்துப் போராடுவதற்கான சிறப்பு உபகரணங்கள் மற்றும் வழிமுறைகளை வழங்குவதற்காக இத்தாலிய விமானப்படையின் பிரட்டிகா டி மேர் தளத்திற்கு (ரோம் நகரிலிருந்து 30 கிலோமீட்டர் தென்மேற்கில்) சென்றுள்ளது.” என்று அமைச்சகம் கூறியது.

இத்தாலிய தரப்புடனான ஒப்பந்தத்தின் மூலம், ரஷ்ய இராணுவ வல்லுநர்கள் ஈடுபடும் முதல் பகுதி Bergamo நகரம் (லோம்பார்டி, இத்தாலி) என்று அதில் கூறப்பட்டுள்ளது.

“தற்போது, ​​ரஷ்ய இராணுவம், இத்தாலிய சகாக்களுடன் கூட்டாக, சிறப்பு இராணுவ உபகரணங்களை நியமிக்கப்பட்ட பகுதிக்கு நகர்த்தவும், போக்குவரத்து பாதைகளை ஒப்புக் கொள்ளவும் தயாராகி வருகிறது” என்று அமைச்சகம் தெரிவித்துள்ளது.

இத்தாலியின் சிவில் பாதுகாப்பு சேவையின் தலைவர் ஏஞ்சலோ பொரெல்லி செவ்வாய்க்கிழமை மாலை வெளியிட்ட அதிகாரப்பூர்வ தகவல்களின்படி, நாட்டில் 69,000 க்கும் மேற்பட்டோர் கொரோனா வைரஸால் பாதிக்கப்பட்டிருப்பதாகவும், 8,000 க்கும் மேற்பட்ட நோயாளிகள் மீண்டுள்ளதாகவும், இறப்பு எண்ணிக்கை 6,820 ஆக உயர்ந்துள்ளதாகவும் தெரிவிக்கப்பட்டுள்ளது.

#coronavirus #italy #russianfederation #covid-19 #trendingnews #vidiyalfm

LEAVE A REPLY

Please enter your comment!
Please enter your name here